4 لترات صابون سائل بـ 350 جنيها
4 لترات صابون سائل بـ 350 جنيها
شنو نيوز (الخرطوم)
أعلن الشاب نهاد سامي أنه بدأ مشروع صغير لصناعة الصابون السائل الذي يصلح لغسيل الأواني المنزلية والعربات.
وقال أنه بدأ المشروع بعبوة 4 ليترات بسعر 380 جنيه فقط، ودعا كل من يريد الشراء التعامل معه في اطار تشجيع المشاريع الشبابية الصغيرة.
وقال في تغريدة على حسابه في تويتر:.
“بديت مشروع خاص من صناعتي حق صابون سائل للأواني المنزلية و غسيل العربات و حاجات كتيره دا ممكن ينضف ليك حياتك عديل المهم
الجركانة 4 لتر دي رخيصة بـ 380 جنيه بس
لو عايز تعال لي لو م عايز شوف زول عايز او وريني وين بقدر ابيعو “.
وفيما تفاعل معه الكثيرون غرد بقوله “طيب يا جماعه الحمدلله الفكرة عجبتكم و م قصرتو في الدعم و الله شكرا كتير ليكم، يلا انا داير اقول ليكم شنو :
انا لسه م بديت بكميه كبيره و فكرتا ف التوصيل بس لسه م اتفقتا مع ناس للتوصيل لانو من الطبيعي بداية مشروع م عامل ليهو دراسه م بتقوم ب كلو صح؟، ف البحصل شنو؟، انا م عايز اتفق لي مع ناس توصيل عشان السعر يجيكم كتير شديد و تبقى مشكله كبيره صراحه لكن انا بوعدكم انا ح اتصرف ليكم ف اقرب وقت للتوصيل دا، الحاجه المهمه شديد انا بديت صراحه ب 10 جركانات و امبارح الحمد لله الشباب م قصرو اللقى نفسو قريب جا شال،والباقات خلصت كلها حمدلله، بس انا السبت دور دا ان شاء الله يعني الاسبوع الجاي انا ح اطلع او 50 جركانه ان شاء الله و ف الاسبوع دا انا ح اتصرف ف التوصيل وعد،
م لقيت عندي عجله بصلكم بيها وجه مع دموع السعادة”.
